Berte aux grans pis

...Moult fu Berte dolente, mentir ne vous en quier. 
Damedieu reclama. Le pere droiturier;
ne set ou on la mainne, ou avant ou arrier. 
trestoutes leur journees ne vous vueil rehercier. 
quant a 1'ostel venoient, en chambre ou en solier 
metoit Tybers Bertain, n'i 1'assoit aprochier 
nului, fors lui tout seui; Diex li doinst encombrier !
et quant il li donnoit a boivre n,'a mengier, 
en son poing tenoit nu son brant fourbi d'acier, 
pour ce que la vouloit telement esmaier 
qu'ele ne desist mot ne que n'osast noisier. 
de li ne se vouloit nule fois eslongnier;
puis remetoit la corde dedens sa bouche arrier,
puis li lioit les mains corn felon pautonnier,
enserrer la faisoit dusques a I'esclairier.
tout ainsi s'en alerent, sans menconge acointier,
bien cinq grandes jornees; n'i vorrent detriier,
tant k'en un bois s'en vinrent haut et grant et plenier;
c'ert la forest du Mans. ('ai oi tesmoignier. 
lors se sont arreste desouz un olivier:
'seignor', ce dist Tybers, 'par le cors saint Richier,
de plus avant aler n'avons nous nul mestier.'
e cil li respondirent: 'bien fait a otroier.' 
lors sont tout descendu a terre sor 1'erbier. 
1'uns avoit nom Morant, torment fist a prisier,
e 1'autre Godefrois, li tiers ot non Renier. 
la royne descendent: or li puist Diex aidier 1
onques mais de si pres nel porent maniier;
car Tybers n'i laissoit fors que lui atouchier. 
Le drap deseur sa robe li font tost despoillier, 
cote ot d'un blanc bliaut et mantel moult treschier. 
quant si bele la voient, prennent a lermoier,
et Tybers li traitres prent s'espee a sachier. 
'seignor', ce dist Tybers, 'or vous traiez arrier, 
a un coup li ferai la teste trebuchier.' 
quant Berte vit 1'espee, lors prent a souploier, 
de paour va adenz sor la terre couchier;
lors commence la terre doucement a baisier. 
sa grant mesaventure ne leur puet anoncier, 
car la corde en la bouche ne la laisse raisnier.
'Tybert', ce dist Morans, 'garde, sor li ne tier !
car par eel saint seignor qui tout a a baillier,
ja verroies tes menbres et ta teste trenchier,
se ja mais ne devoie en France repairier.' 

Cel jour fist moult lait tans et de froide maniere
et Berte gist adens par deseur la bruiere. 
paour a de Tybert que il sor li ne fiere;
nostre dame reclaime, la dame droituriere.
'seignor', ce dist Morans, 'pensee aroit laniere, 
qui si bele pucele mousterroit laide chiere.'
'par Dieu', ce dist Tybers, ' vis m'est que il aflere
que nous 1'oci'ons tost, puis retornons arriere:
car je 1'oi en couvent Margiste, que j'ai chiere.' 
'Tybert', ce dist Morans, 'dur cuer as comme piere. 
se tu li fais nul mal, par 1'apostre saint Piere,
ne te gariroit mie tous li ors de Baiviere, 
que cist bois ne te soit a tous jours mais litiere.' 



Adenet le Roi, XII

nekto.me https://nekto.me +7 (927) 2893774
| Комментариев: 0
    Новых комментариев: 0
  1. Комментариев нет...